បុរសស្រវឹងស្រាម្នាក់បើកឡានធ្លាក់ទឹកស្ទឹងស្លាប់ នៅស្រុកកណ្តៀង
27-August-2018 | ដោយ ពលមនសិការ
ពោធិ៍សាត់៖ បុរសស្រវឹងស្រាម្នាក់បើកឡានធ្លាក់ទឹកស្លាប់នៅចំណុចស្ទឹងតូចកណ្តៀង ស្ថិតក្នុងភូមិកណ្តៀង ស្រុកកណ្តៀង ខេត្តពោធិ៍សាត់ ឧបទ្ទវហេតុគ្រោះនេះកើតឡើងនៅវេលាម៉ោង១៦និង៥០នាទី ថ្ងៃទី២៥ ខែសីហា ឆ្នាំ២០១៨ ។
ប្រភពព័ត៌មានបានឱ្យដឹងថា មុនពេលកើតហេតុ គេឃើញបុរសម្នាក់បើកឡានម៉ាកកាមរីពណ៌ប្រផេះពាក់ស្លាកលេខភ្នំពេញ 2N-8401 ធ្វើដំណើរក្នុងទិសដៅពីលិចទៅកើតតាមបណ្តោយផ្លូវក្រាលគ្រួសក្រហមមួយខ្សែ បោះពួយយ៉ាងលឿន វេរចង្កូតពេញផ្លូវ ខណៈមកដល់ចំណុចខាងលើរថយន្តបានធ្លាក់ទឹកស្ទឹងតូចកណ្តៀងធ្វើឱ្យមានការភ្ញាក់ផ្អើលដល់ប្រជាពលរដ្ឋធ្វើដំណើរតាមផ្លូវឈប់ម៉ូតូ កង់ ឡាន ឈរមើលពេញផ្លូវ ក្រោយពីឈប់ក៍មានអ្នកខ្លះចុះជួយស្រង់ប៉ុន្តែជនរងគ្រោះបានស្លាប់បាត់បង់ជីវិតក្នុងឡានរបស់ខ្លួនបាត់ទៅហើយ។
លោកវរសេនីយ៍ឯកលីវ សេងហ៊ឹម អធិការនៃអធិការដ្ឋាននគរបាលស្រុកកណ្តៀងបានឱ្យដឹងថា ជនរងគ្រោះមានឈ្មោះប៉ូច សោភា ភេទប្រុស អាយុ៣១ឆ្នាំ មុខរបរកសិករ រស់នៅភូមិបឹងក្រាញ់ ឃុំស្វាយលួង ស្រុកកណ្តៀង ខេត្តពោធិ៍សាត់ ក្រោយពេលចុះដល់កន្លែងកើតហេតុ សមត្ថកិច្ចយករថយន្តស្ទូចយករថយន្តនិងសាកសពប្រគល់ជូនក្រុមគ្រួសារធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ3171
- ម្សិលមិញ16391
- សប្តាហ៍នេះ49401
- ខែនេះ164551
- ឆ្នាំនេះ164551
- សរុប20607007